طق فى نافوخى أن أكتب قصيدة من كلمة واحدة (مع الإعتذار لنجم صاحب قصيدة "البتاع") أما شوف عمرو إبراهيم حيقول عليها إيه:
يقولك كله تمام
طب لما هى تمام ليه كل شيئ مش تمام
وتصريحات التمام كلها محتاجه تمام
والواد تمام إبن أم تمام قاعد يقول فى الميكروفون تمام التمام...
ومراته من عيلة تمام هى كمان بتقول تمام
فول وعيش إيه اللى مش تمام
فيه حد فيكم مش تمام
لازم إنتوا اللى مش تمام
وعينيكوا مش شايفه حاجه تمام
وكل مانعمل حاجه تمام ماتصدقوش إنها تمام
خلاص روحوا دوروا على دولة تمام
وحاولوا تقنوعوهم إنكم تمام
وشوفوا حيصدقوا ولا حيقولكم ياتمام إنتا وهو على الله
حتلاقوا ف الآخر مالكوش غير تمام التمام
تسألنى يعنى فيش حاجه تمام
أقولك طبعا فيه الصينى بكل أنواعه تمام
يخليك تشوف اللى مش تمام تمام
وتدعوا لأبو التمام إنه يفضل تمام عشان كل حاجه تفضل تمام
زى ماهى دلوقت تمام التمام
No comments:
Post a Comment